'Aramótakveðja

Frost og funi hér i DK á síðasta degi ársins, kannski það viðri vel á raketturnar í kvöld.  Við verðum uppi í bæ með vinafólki, svo strákarnir eru spenntir yfir því að geta dandalast með félögunum i Tistrup. Það er búið að finna restarnar af rakettum og dóti frá í fyrra, gleraugun og kaupa nýtt krútt.  Svo verður núna farið að gera eftirréttinn sem við eigum að sjá um,,, sleppum létt í ár.

Vonum að allir komist heilir á höldnu inn í nýja árið.  Kærar áramótakveðjur frá okkur á Lundgaard

fjsk.i Yosemite

Myndin er tekin i granítfjöllunum í Yosemite National Park, Kaliforníu, i júlí í ár. 


Jóla hvað

2008december060 

Jólaepli er ekkert vandamál fyrir krúttið í fjsk. Sofie Karen 11 mánaða.

DSCF6176

'Oskum öllum lesendum gæfu- og gjörvileika á nýju ári.

 

 


1.des

Má segja til hamingju með daginnSmile?? 

Þessi færsla er bara til málamynda,

bara til að sýna lit. 

Er en svo bit.


Tek hér með undir: Og burt með spillingarliðið - hvar í flokki sem það stendur!

Maður leggur varla í að lesa fleiri fréttir frá 'Islandi, en ég geri það samt, oft á dag og hneykslast meir og meir og meir og á eflaust eftir að hneykslast meira og meira eftir því sem fleiri sannleikar verða lagðir á borðið. 

Tek því hér med undir með 'Olínu:  Og burt með spillingarliðið - hvar í flokki sem það stendur!


Hinn

Laugardagsmorgnar eru oft letimorgnar ef ekkert er á döfinni hérna hjá okkur.  Svona var það í dag, einn að borða morgunmat,annar í tölvunni og hinn að horfa á sjónvarp þegar ég skellti mér í langa, heita og góða sturtu í morgun.  Þegar ég kom fram aftur var einn á þönum að leita að hinum sem hafði gufað upp úr sófanum og svaraði ekki köllum og fannst hvergi.  Ég slóst í hóp leitarmanna og það var farið út um allt hús og kallað og kíkt undir rúm, sængurbunka, ofaní kistur og inn í skápa og hvaðeina.  Skórnir hans voru horfnir líka sem og flíspeysa svo það var farið út í fjós, hlöðu, bílskúr, Hákot og skemmu og á endanum út í skóg, hrópandi og galandi, vopnuð farsímum.  En hann svaraði ekki og  fannst hvergi, hjólið var á sínum stað og við skildum ekkert í þessu.  Vorum að því komin að fara að hringja í meiri mannskap í leitina þegar gutti lallar inn.  Honum hafði þá  bara dottið í hug að fara í göngutúr til Hodde (mjög svo óvanalegt) og dreif sig af stað án þess að láta neinn vita. Hann veit betur núna eftir að hafa séð ástandið á foreldrum sínum þegar hann birtist aftur.Smile


Krepputal

Fylgist með krepputalinu hérna og ástandinu á 'Islandi.  Vona að sem flestir komist uppúr þessum öldudal án mikils skaða.  Þetta var þó mun meiri sprenging en mann óraði fyrir að myndi koma eftir öll þensluárin... ég var þó viss um að eitthvað myndi springa einhverntíman.  Hef fylgst með úr fjarlægð og hreinlega ekki skilið hvernig hægt var að keyra þensluna og neysluna svona upp á svo stuttum tíma.  Kranaskógarnir í Rvk.og nágrenni, ný hús/hallir á ótúlegustu stöðum, nýji bílaflotinn og flottheit á öllu... þessu hef ég verið að furða mig á þegar við komum keyrandi frá Keflavík í heimsóknir.  Svo ekki sé minnst á allt útrásardæmið.  Held að ég bíði bara eftir að bókin eða bækurnar komi út .... svo ég ég geti lesið mér til um hvað eiginilega gerðist!Wink


Uglurnar...

eru flognar úr hreiðrinu en ekki farnar langt.  Við vitum ekki hvort allir ungarnir 5 hafi lifað sumarið af en það eru allavega nokkrar hérna úti sem kallast á á kvöldin.  'Otrúlegur hávaði í þeim hreint út sagt, en það venst.  Þær eru kannski að rífast um hver megi vera áfram í uglukassanum, ekki er pláss fyrir margar þar allavega.

Breytingar

 

 Skiluðum "Igor" aftur heim í rokið í gær eftir nokkrar votar og vindasamar vikur í DK.  Það var ekki lítið sem hann kom í verk. Nokkur sýnishorn hérna.....

fyrir....Austur - hlöðugafl

  DSCF5757DSCF5673    Norðurgafl   

 og eftir meðferð hjá ef til vill frábærasta pabba í heimi!!

eftir...

DSCF5862

    DSCF5874   DSCF5868 

DSCF5878¨ 

DSCF5883

því miður  virðist sem að það komist ekki fleiri myndir fyrir hér í kvöld... svo  kannski meira seinna.   Allavega frábærar breytingar á Lundgaard til hins betra sem við hefðum ekki getað náð að gera með öllu hinu.   Takk fyrir í það.  Mátt til að monta mig af pabba!

 


Smá líf hérna

Lygilegt hvernig tímin flýgur frá manni.  Rétt búin að vera í frábæru frí, vera með frábærum gestum sem sáu um heimilshaldið að mestu og meira til, farin að vinna aftur, 'Olympíuleikarnir komnir og farnir ..  og  "Igor" í fullri vinnu hér heima.  Það hefur viðrað illa að mestu undanfarnar vikur,,, allavega er það það sem maður man, þessar sólarglettur hafa verið allt of fáar og langt á milli þeirra.  Þrátt fyrir það hefur "Igor" náð að gera ótrúlega hluti sem fegra býlið sem um munar.   Við erum óendanlega þakklát fyrir það.  Myndir seinna , hér eða á hinni síðunni. 

'I kvöld var gott veður og við skelltum okkur öll í smá veiðitúr niðri að á.  Við öll erum Igor, við 4, hundur og köttur!!  Það þurfti að bera köttinn síðasta spölinn því prinsessan þolir ekki að vaða í vatni.  Mjög spennandi að viðra veiðistangirnar og gá hvort allt virkaði, (vonlausar græjur sem við eigum), en færið var vonlaust , allt of mikill gróður í ánni og árbökkunum og mýið  líka (að vakna) að fara með okkur.  En það var prufað, hlökkum bara til að prufa aftur þegar áin verður orðin að alvöru á eftir nokkur ár!!

 


Eureka..

er nafnið á bænum sem við erum í núna, skrifa þetta undir sæng á hótelherberginu og heyri umferðarniðinn frá vegi 101 hingað upp.  Fórum í gegnum rauðviðarskóginn í dag "redwoods" og kíktum á nokkur risatré, keyrðum í gegnum eitt líka Smile .  Við komum til Seattle á sunnudaginn og gistum eina nótt, kíktum á bæinn og fórum upp í Space Needle, fórum svo til Corvallis í Oregon í fjölskylduheimsókn.  Þar vorum við í góðu yfirlæti í 3 nætur, fórum svo af stað í gær suður eftir á vegi 101.  Gullfalleg leið meðfram ströndinni en það hefur komið okkur á óvart hvað það er kalt hérna við ströndina... og  mikið rok.  Er ekki búin að fara úr flíspeysunni góðu í 2 daga nema rétt yfir nóttina.  á morgun verður farið inn í land og í heimsókn i Truckee til vinafólks.  Það er mikil keyrsla á okkur, en strákarnir taka því nokkuð vel, það er náttúrulega mikið að sjá og oft stoppað í smástund. 

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband