Eureka..

er nafnið á bænum sem við erum í núna, skrifa þetta undir sæng á hótelherberginu og heyri umferðarniðinn frá vegi 101 hingað upp.  Fórum í gegnum rauðviðarskóginn í dag "redwoods" og kíktum á nokkur risatré, keyrðum í gegnum eitt líka .  Við komum til Seattle á sunnudaginn og gistum eina nótt, kíktum á bæinn og fórum upp í Space Needle, fórum svo til Corvallis í Oregon í fjölskylduheimsókn.  Þar vorum við í góðu yfirlæti í 3 nætur, fórum svo af stað í gær suður eftir á vegi 101.  Gullfalleg leið meðfram ströndinni en það hefur komið okkur á óvart hvað það er kalt hérna við ströndina... og  mikið rok.  Er ekki búin að fara úr flíspeysunni góðu í 2 daga nema rétt yfir nóttina.  á morgun verður farið inn í land og í heimsókn i Truckee til vinafólks.  Það er mikil keyrsla á okkur, en strákarnir taka því nokkuð vel, það er náttúrulega mikið að sjá og oft stoppað í smástund. 

Athugasemdir

[Mamma (IP-tala skráð) 20.7.2008 kl. 14:42]

Hæ. Það er gaman að fylgjast með ykkur  úr fjarlægð og að allt gengur vel. Við erum að undirbúa Danmerkurferð og er byrjuð að pakka Við vorum í Hveragerði í gær við jarðaför Þráins sem var maður Auðar Aðalsteinsdóttur dóttir Steina "bróðir" á Akureyri. Halli var þar þeir höfðu unnið saman og hann heilsaði öllum með þessari setningu" ég er skyldur systur minni" og  þannig kynnti hann sig Annars er allt gott héðan  og við orðin spennt að komast í frí. Anna og Elísa eru komnar frá Frakklandi og eru ekki par ánægðar með móttökurnar þar. Þeim var boðið að liggja í tjaldi og borða smokkfisk og annað ógeð sem enginn gat borðað á meðan aðrir þátttakendur frá öðrim löndum fengu hótelherbergi með sjónvarpi og fl og allir borguðu það sama Ég er ekki farin að sjá þær nema sofandi þær eru alveg búnar á því. Með ósk um aframhaldandi  góða skemmtun og gott frí og hlökkum til að sjá ykkur.