Kisumóðir

Ciki hefur mikið að gera í mömmustússinu, er með 2 kettlinga á spena og virðist gefa vel!!!  Það er allavega greinilegt að það er eitthvað í spenunum, þeir drekka á fullu.   Kettlingarnir hanga á henni eða í kringum hana allan daginn og hún leyfir þeim það.  Hin kattamóðirin virðist una þessum skiptum þrælvel og fylgist með úr fjarlægð, dauðfegin að losna við að gefa. Veit þó ekki hvort þetta sé nokkuð gott/hollt fyrir fullorðnar tíkur (6 ára)  sem aldrei hafa fengið hvolpa.  Eru einhverjir hundafræðingar hér??  Hvað eru kettlingar lengi á spena vanalega...??  Verð víst að fara að kynna mér þetta.

Jói verður heldur betur þreyttur þegar ég sæki hann kl.14.00 á morgun á lestarstöðina... langt ferðalag heim frá Bornholm en þau verða rekin á fætur kl. 4 í nótt til að leggja í hann!!  Ekki öfunda ég kennarana!   Stefán er farin að sakna bróðurs síns þrátt fyrir viðburðaríka helgi hjá honum sjálfum. Hann gisti hjá vini á laugardaginn (á meðan við vorum í veislu) og Oliver og hann voru einir hér heima mest allan sunnudaginn. Við fullorðna fólkið og Benjamin vorum að klára að tæma og þrífa hús tengdamömmu heitinnar, en það var afhent nýjum eigendum í dag.  Það er skrítið til þess að hugsa að við eigum ekki eftir að koma þangað aftur.

  

Athugasemdir

[Ásta Laufey (IP-tala skráð) 17.9.2007 kl. 20:21]

Mér finnst þetta alveg merkilegt með ciki og kettlingana hehe ..... þú hefur þó eitthvað spennandi að kynna þér á næstunni.

Það verður heldur betur farið snemma að sofa á þínu heimili á morgunn alla vega unglingurinn.  híhí vona að þetta hafi verið eftirminnileg ferð hjá kauða. Og Stefán að verða ansi fullorðin er það ekki  hehe. 
Til hamingju með að vera búin að afhenda húsið þó það sé ljúfsárt.

sjáumst.