Árið

'Eg var að koma inn úr garðinum frá því að grafa niður lauka, síðasti séns á því þar sem á pakkanum stendur að þeir eigi að fara í jörðina á tímabilinu sept-desember.  Gildir jú í dag líka. Það er glimrandi veður, sól, logn og kalt, það var frost í nótt.  Ættu að vera góð skilyrði fyrir flugelda og annað "nýárskrútt"  í kvöld.  Það er búið að pakka stígvélum, útifötum, öryggisgleraugum oþh. fyrir kvöldið, en við verðum ekki heima, aldrei þessu vant.  Bara fínt að vera ekki í matarstandi þetta árið, við eigum bara að sjá um eftirréttinn og kakan er í ofninum.

Vonum að þið komist öll heil inn í nýja árið.

 

Athugasemdir

[SigrúnSveitó, 1.1.2008 kl. 00:41]

Gleðilegt ár, mín kæra.  Takk fyrir árið sem liðið er.

Gott þú náðir að grafa laukana niður!   

Kærleikur af Skaganum.